Buite Die Hekke Van Eden (Afrikaans, Hardcover)

Buite die hekke van Eden bevat dagboekfoto’s wat die bekende Suid-Afrikaanse fotograaf Paul Alberts oor ’n hele aantal jare in verskillende dele van Suid-Afrika geneem het. Die teks by die foto’s het Alberts self tydens sy fotografie-reise geskryf. Woord en beeld lewer kommentaar op sosiale en omgewingstoestande in die land. Met hierdie foto’s vang Alberts iets vas van die wese van lyding, verval en swaarkry, maar ook van die krag van die menslike gees. Die foto’s is by geleentheid van Alberts se 60ste verjaardag in die Oliewenhout-kunsmuseum in Bloemfontein uitgestal, saam met ’n aantal kwatryne wat Hennie Aucamp spesiaal vir die foto’s geskryf het. Buite die hekke van Eden is ’n publikasie met ’n besondere kultuurhistoriese en artistieke waarde.