Op Trek - Die Daaglikse Lewe Tydens Die Groot Trek (Afrikaans, Hardcover)

Die grootskaalse verhuising van boere aan die Kaapkolonie se oosgrens, ’n gebeurtenis wat later as die Groot Trek bekend sou word, was teen 1835 reeds in volle swang. Uiteindelik het bykans 10 000 siele huis en haard met ossewaens en veetroppe verlaat met die ideaal: om in die ongetemde Suid-Afrikaanse binneland ’n eie staat en samelewing tot stand te bring. Wie was hierdie Trekkers waarvan die geskiedenis vertel? Hulle was tog mense van vlees en bloed, wat gelag en gehuil, geeet, geslaap en gedroom het. Hoe het hulle die talle struikelblokke op die trekpad oorkom? Was daar tyd vir pret en plesier of was elke dag ’n stryd om oorlewing? Op trek, die resultaat van omvattende kultuurhistoriese navorsing wat met die oog op die 150ste herdenking van die Groot Trek gedoen is, het die eerste keer in 1988 verskyn. Buiten teks, bevat dit foto’s en illustrasies wat ’n nabyblik gee op die daaglikse lewe tydens die Groot Trek – aan die hand van wat beeldende kunstenaars verewig het en persoonlike besittings van die Trekkers wat behoue gebly het, soos dagboeke godsdienstige en ander boeke, wapens, kledingstukke, gebruiksartikels en foto’s.